Co no savevo dove ndare,
ndavo in ostaria
par scoltare,
na partia de ciacoe
da imbriaghi.
Me fasevo grande
scoltando
quattro mone,
più mone dei mona.
El confronto faseva ben.
Ma desso xe cambià el mondo,
i bar i ga sarà
e i mone fa el finimondo
tutti so Internet,
insieme coi premi Nobel .
Ma come se fa a capire
che queo che scrive sul social
xè un mona a no finire ?
E queo che tase,
xe un sciensiato de l’avvenire ?
Coll’internet xemo
deventà tutti mone
e tutti sciensiati.
No ghe xe diferenza.
Tutti ciacoea de tuto.
E cussì vedarì che
dopi i bar
sararemo tuto: e scoe
e biblioteche, i libri no
servirà più a gnente.
Tanto ghemo xa
tute e information
che me basta.
E cussì ogni can mena ea coa
e ogni mona dise ea soa
Pandemia 2020