De sti tempi ea jeia rivà senza preaviso
me se presenta come un gran tamiso.
Tuti, tuti ghemo da pasare pa chel tamiso,
no se scampa da queo da gran o da riso.
E ora se domandemo: sto criveo
chel destin tamisa, par mi gaeo
i busi larghi o i busi streti?
Mi ghe passo o no ghe passo…
e me trema el fià.
E se anca te passi ‘sta tamisada
e te caschi in piè, san e salvo
ghe xè i polastri pronti a na magnada.
Ma se no te passi pa chel tamiso,
se no passi ea tamisada
i te buta via co e pajoe e ‘na scorlada.
Non te servi più a gnente!
Pensemoghe xente !